DOWNLOAD OUR APP

Read latest news on your phone
app-store

Inhliam hnua ropui taka rawn kir leh player 5

Mar 13, 2022

Football game hi a hnuhnawm rualin rorum taka khelh a ngaih thin avangin player te pawh na tak takin an inhliam ve fo thin. Kum naupang te a hliam tuar inhliam vanga football chawlsan ta pawh awmin hun lo taka an career zawh tawp ta mai an awm. Mi thenkhat erawh an inhliam hnuah dam lehin ropui takin an rawn kir a, football khawvel-a footballer ropui leh hming thang zinga chhiar thmaih rual lo va ropuia rawn let leh ta te pawh an awm nawk nghe nghe.

 Football game hi a hnuhnawm rualin rorum taka khelh a ngaih thin avangin player te pawh na tak takin an inhliam ve fo thin. Kum naupang te a hliam tuar inhliam vanga football chawlsan ta pawh awmin hun lo taka an career zawh tawp ta mai an awm. Mi thenkhat erawh an inhliam hnuah dam lehin ropui takin an rawn kir a, football khawvel-a footballer ropui leh hming thang zinga chhiar thmaih rual lo va ropuia rawn let leh ta te pawh an awm nawk nghe nghe. 
    Inhliam hnua come-back zinga footballer ropui ber ber 5 te chu:

#5 Aaron Ramsey
    Kum 2008 khan Arsenal leh Manchester United chuan British footballer rawlthar theihna ngah leh huhang ngah zet kum 18 mi Aaron Ramsey chu lei zawk nih tumin an inchuh nasa hle a, a tawpah Gunners lamin an chang ta a, September thla chuan Arsenal tana a game hmasa ber khel nghalin a talent neih tha tak chu a lan tir nghal. Kum hnih a khelhna chiahah Stoke City nen an inkhelh tumin Ryan Shawcross-a tackle hlauhawm tak avangin na takin a inhliam a, he a inhliamna vang hian Ramsey-a football zinkawng chu kum naupang te a nihin a tawp mai dawnah mi tam takin an ngai hman. 
   

A hliam avang chuan Ramsey-a chu thla riat lai mai a chawlh a ngaih phah a, a dam chian hma hauhin inchher hriamna ni pah -fawmin Cardiff City leh Nottingham Forest lamah loan hmangin Arsenal chuan an chhuah tir bawk. 2010 chuan a club hlui Arsenal lamah let lehin a khel chho ve nawk nawk a, 2013-'14 season chuan Ramsey chu ropui takin a rawn inlan tan ta. Hetih lai hun hi amah ro roah a thlen san ber lai a ni hial awm e. 
   

Team tan a tangkai em em a, inkhelh laiin thui tak tak a tlan kual thei a, goal pawh a thun thei hle bawk. Hemi kum hian Arsenal chu  FA Cup final a luhpui hial a, Ramsey chu Welsh national team player pawimawh ber pakhat niin a zarah Welsh chuan UEFA Euro 2016 semi-final an luh phah hial a ni. 
    Arsenal tana a khelh chhung hian Ramsey hian competition hrang hrangah goal 50 a thun a ni. 

#4 Henrik Larsson
   

Swedish striker Henrik Larsson hi Europe chhul chhuakah chuan striker ropui ber pawl a ni phak a, Scottish club Celtic tana khel thin. Na taka a inhliam hnua a rawn let lehin 1998-99 season khan a club tan goal 38 a rawn thun nghal thei. 
   

Larsson hian UEFA Champions League game an khelh tumin a ke ruh hmun thum zetah a ti tliak a, amah anga inhliamna hi footballer zingah mi tlem te bak an let leh tawh lo. Mahse, ani chu football khel thei satliah chauha rawn let ni lovin, khawvel player langsar ni phak khawpin a rawn inlan leh thei a ni. 
   

Larsson hi winger niin kum 2000-01 season khan rawn let lehin a inhliam hma ang chiahin goal mawi tak tak a rawn thun leh tan a, hemi kum hian Celtic tan goal 53 zet thunin Scottish football trophy ngaihhlut pathum chu a hovin an hui fai vek. A inhliam hnua a rawn let leh hian Celtic tan khelin Larsson hian goal 171 zet a rawn thun leh thei a, Europe player ropui ber pakhat a rawn ni leh thei a ni. 

#3 Ruud van Nistelrooy

Ruud Van Nistelrooy pawh hi a inhliam hnua Europe striker ropui ber pakhat a rawn ni leh thei a ni. Dutchman Ruud van Nistelrooy hi striker tha a ni satliah lo va, Manchester United history-a goal thuntu ropui ber pakhat niin season nga, kum 2001 atanga 2006 hun a hman chhung khan competition hrang hrangah goal 150 a thun tling a ni. Kum 2000 a an ram club PSV atanga Manchester United a zawm hnu khan Nistelrooy hian khup lamah hliam na tak tuarin he a hliam atang hian a rawn kir leh a ni. 
   

A inhlim chung pawha duh tlattu United manager ropui Sir Alex Ferguson chuan nghak tang tangin kum 2001 khan a seng lut ve lui ta ho a, a season hmasa berah Nistelrooy chuan goal 36 zet a thun nghal der a, season leh pekah pawh a goal thun a thulh lo mai ni lovin goal thun belin goal 44 zet a thun leh a, Champion lai Arsenal lehthalin league title an la zui bawk. 

#2 Alan Shearer
 

England player ropui, Blackburn Rovers leh Newcastle United club tana nghilh tawh loh tur Alan Shearer hi English Premier League history-ah chuan player ropui ber pawl niin goal 260 zet a thun a ni. Shearer hian a career-ah hun duhawm loh tak tawngin vawi khat mai nilovin na tak takin a inhliam zauh zauh. 
   

Kum 1992-a Blackburn Rovers a zawm tirh khan a chetha nghal a, mahse Leeds United nen an inhmachhawn tumin season tir teah Shearer hi a inhliam nghal pang a, beisei angin a chetha zui thei lo. Mahse 1993-94 season-a a inhliam rawn let leh hi tum dang zawng aiin a rawn che tha emaw tih mai turin Blackburn tan goal 34 zet a rawn thun nghal mai a, season leh pekh pawh goal 37 zet a rawn thun leh. Hemi kum hian a club chu Premier League title a hlawh chhuah pui bawk.
   

Kum 1996 khan Shearer chu Newcastle United lam chuan £15 million in an lei chhuak a, hei hi hetih hun laia transfer record a ni nghe nghe. A season hmasa berah hian goal 28 zet a rawn thun nghal. Mahse, vanduai thlak takin a season leh pekah a khei mitah hliam tuarin a khel tha hlei thei lo va, game 23 chauh khelin goal pawh goal 7 chauh a thun thei a ni. A career hun chhungin hliam vangin buai fo thin mah se England forward tha an sawi chhuah chang chuan a hming an hmaih ngai tawh lovang. A inhliam hnu chuan Shearer hi rawn let lehin Premier League striker ber pawl a rawn ni leh nghal mai a. A rawn let leh kum hian goal 21 zet a rawn thun leh nghal. A football khelh hun chhung zawng hian goal 379 zet a thun a ni. 

#1 Petr Cech

Goal ven thiam Petr Cech hi na taka a inhliam hnuah rawn let lehin hun rei tak chhung football a rawn khel leh a, a khel leh a ni satliah lo va, team innghahna leh hruaitu ropui a ni. Europe-a goal keeper tha sawi apianga hmaih tawh loh tur Petr Cech hi a huaisenna leh a tumruhna a fakawm a, chanchin sawi tur pawh a ngah hle a ni. 
   

Kum 2004, January thla khan Chelsea lamah a lut a, Cech hi first-choice keeper a ni nghal mai bakah hemi kum Premier League-ah hian an champion nghe nghe.  Season tharah pawh Chelsea chu league-ah an champion leh a, mi hriat hlawh em em ngai lo keeper kha khawvel goal keeper tha ber zingah a hming lam rik a ni nghal der a, International Federation of Football History and Statistics pawhin an fak hle nghe nghe. 
 

2005-06 season khan Chelsea hian goal 22 chiah an chhuah a, hetiang record an neih theihna tur hian Cech-a hian a thawh hlawk ber a ni.      October 2006 khan Reading nen an inkhelh tumin Cech hian a luah hliam na tak a tuar a, Stephen Hunt nen an intauhna lamah a lu ruh a khi a, a enkawltu doctor pawhin a thih loh reng a ring lo. Mahse, dam taka rawn chhuak lehin ropui takin a rawn let leh thei a ni. 

Share now