Milar inkawp rem thei tak tak lo hi sawi tur an awm nual a, chung zingah chuan Kylie Jenner leh Travis pawh hi an tel awm e. Fa pahnih an neih tawh hnuah pawh an inkawp rem thei chuang lo a, an inthen leh tawh niin khawthlang media te chuan an tarlang. 

American reality star Kylie Jenner leh rapper Travis Scott te hian innei si loin fa pahnih - Stormi leh Wolf Webster an nei tawh a, an inthen a, an inkawp leh mai thin bawk. Fa pakhat an neih hnu khan an inthen vang vang a, an inthen hlen dawn emaw tih mai turin an awm hman. Mahse a hnu lawkah holiday an hmang dun hmuh leh an ni a, an chengdun zui leh bawk. 
 
An chen dun leh hnu hian fa pakhat an nei leh tawh a, mahse an inthenna tur a dal zo chuang lo. An inthen chhan hi chiang taka hriat a ni lo a, holyday an hmang dun lo tih hriat a nih hnuah an inthen thu hi a da ta a ni. 

Kylie leh Travis te hian nikum Christmas pawh kha an hmang dun lo niin an tarlang. Kylie hi a chhungte leh thiante nen Aspen, Colorado-ah chawlh an hmang a, he tah hian Travis Scott hi a tel ve lo a ni.