5,4,2022; Mizoram IOCL Transporters Forum leh IOCL inkarah tuialhthei /POL phurh man chungchangah inhriatthiam lohna a awm avangin Ramdinliana, Director, FCS&CA chuan POL inrenchemna leh khuahkhirhna hman chhunzawm zel a nih tur thu thuchhuah a siam.
    Sawrkar thuchhuah tarlan danin, Mizoram IOCL Transporters Forum leh IOCL inkara tuialhthei / POL phurh man chungchangah inhriatthiam lohna a awm avangin 1.4.2022 atang khan Mizorama tuialhthei / POL rawnlut a khaihlak rih a. Sawrkar leh mipuite'n harsatna lian zawk tawk lova petrol leh diesel mamawh tute'n rualkhai zawka an chan theihna'n 'The Mizoram Trade Articles (Licensing and Control) Order, 1987' hnuaia para 24 leh 25 tlawh chhanin POL inrenchemna leh khuahkhirhna chu hman chhunzawm zel rihtur thupek chhuah a ni.
POL pek theih zat:
1. Two-wheelers 5 litres
2. LMV - 10 litres
3. MMV - 20 litres
4. HMV - 40 litres
    Buhfai/essential commodities phur truck techu an challan milin an kal lam leh haw lam daih pek tur a ni.