Aizawl: Central YMA leh Tata Trusts hnuaia North East Intitiative Development Agency (NEIDA) te chuan Zirtawpni khan Chief Minister’s Conference Hall-ah Swacch Bharat Mission (Gramin) hnuaia faina chungchangah mipui zirtira mipui te rilru sutthlek thlakna tur hma lakna hrang hranga thawhhona thuthlung an ziak. Inremna thutlung ziah hmanpuitu Chief Minister Lal Thanhawla chuan Tata Trusts ten Mizorama hmasawnna ngaihtuaha phal taka sum leh paia thawha, thil tha leh tangkai an ti chu fakawm a tih thu a sawi a. Faina chungchanga sawrkar hma lak chu Swacch Bharat Mission awm hma daih tawhin 1980 chho atangin bultan anih thusawiin Mizoram pum chu pawna daileng awm lohna Open Defecation Free (ODF) ah puan tep a ni tawh tih a sawi bawk. Thawhhona thuthlunga CYMA aiawhA hming ziaktu CYMA President Lalbiakzuala chuan MizoramaH nasa leh zawka faina leh thianghlimna kawnga thawk turin CYMA chuan theihtawp chhuahin hma an la dawn a ni, a ti. NEIDA Executive Director Dharani Ratno chuan kum 5 chhungin NEIDA chuan Mizoram tan kawng hrang hranga hmalakna atan cheng vaibelchhe 18 a ruahman thusawiin cheng vaibelchhe 2 chu pek chhuah a ni tawh thu a sawi.