Covid-19 vangin Mizoram-ah sport hrang hrang tournament a chawl thup a, hri lengin ziaawm lam a pan hnuah tournament khelh chho leh tan a ni. Hir len hnua a vawi khat nan CYMA pawhin a vawi 11 nan Inter Branch YMA Cricket tournament a buatsaih tur chu April ni 21, 2022 (Ningani) zan dar 8 khan Central YMA Hall, Tuikhuahtlangah CYMA president R. Lalngheta'n vuakhawnna hun a hmang. He tournament hi Central YMA leh Cricket Association of Mizoram tangkawpin a buatsaih niin YMA Branch hrang hrang atangin team 45 an tel a, Aizawl khaw pawn atangin branch pali New Serchhip Bazar, Serchhip Hmar Veng, Meisatla (Siaha) leh Lunglei Lunglawn te an tel bawk. 
 
Vuakhawnna neitu Lalngheta chuan, "Mizo thalaite tan cricket hi eizawnna tling ani satliah tawh lo va, chhungkaw dinhmun siam theihna hausak pui theih a nih avangin nasa zawkin  thalaite hian tuipui ula, sang tak thleng turin bei rawh u. Chutiang kan thlen phak phawt chuan tumahin ruihtheih thil leh khawtlang duh lohte hi kan buaipui peih lovang," a ti. CYMA assistant secretary Professor Malsawmliana'n fixture tlangzarhna hun a hmang bawk. 

Inelna hi kar thar Thawhlhehni, April 26 atanga neih tan tur niin Durtlang Playground, 3rd BN MAP Ground, Mualpui leh Ramhlun Sports Complex khelmual-ah te khelh a ni ang. Quarter-final atangin Suaka Cricket Ground, Sihhmui lamah an khel tan ang.

Kum 2003 atanga khelh tan CYMA Inter Branch Cricket Tournament-ah hian tum li champion tawh veng pahnih an awm a, Ramhlun Venglai leh Chanmari Branch te an ni, Heng veng pahnih nilo champion thei hi Armed Veng leh Durtlang chiah an la awm a, Durtlang hian tum li final lut tawhin vawi thum zet final-ah an khingpui an hneh lo tawh.

CYMA Cricket-a Champion leh Runners Up ni tawh team te: 

Kum    Champion    Runners Up
2003    Armed Veng    Ramhlun Venglai
2005    Chanmari    Armed Veng
2006    Ramhlun Venglai Durtlang
2007     Durtlang    Chaltlang
2008    Ramhlun Venglai Chanmari
2009    Chanmari    Ramhlun Venglai
2011     Chanmari    Ramhlun Venglai
2013    Chanmari    Zarkawt
2016    Ramhlun Venglai    Durtlang
2018     Ramhlun Venglai Durtlang

11th Inter Branch YMA Cricket Tournament, 2022

TECHNICAL RULES

1. Team tinin Colour Jersey neih vek tur a ni. Amaherawhchu, tournament-ah hian ball var hman a nih dawn avangin jersey rawng var (white) erawh hak loh nise.
Colour pads/legguard hman nise, a nei lo tan pad colour skin (pad tuamna) ground tinah dah a ni bawk ang.

2. Inkhel enkawl tur hian Match Refree 1, Umpire 2 leh Manual Scorer 1 leh Online Scorer 1 an awm ang a, inkhelh chungchanga thutawp chu Match referee-in a 
siam ang.

3. Match zawng zawng hi over 20 a khelh tur a ni a; over 1 hi minute 4 zel hisapa vawm zawh tur a ni. 1st inning fielding side lamin hun tiam chhunga an over an 
vawm zawh hman loh chuan an batting hunah an batting over cut sak tur a ni a, hun tiam an pelhna minute 4 zelah over khat cut tur a ni. A vawm hnuhnung zawk 
an nih chuan hun tiam ral chiaha ball la bang zat chu an target ven (defend) tur atangin paih tur a ni. 

4. TOSS : Toss hi 8:45 A.M. leh 12:45 P.M.-ah neih thin tur a ni a. Hetah hian Captain￾in Match Referee hnenah Team list copy 3 a thehlut thin ang. Team list kan ziah 
chhuahte hi hming puma ziah thin tur a ni. Player 11 tling lo team-in match an khel thei lo ang. Toss hunah hian inkhel tur players (12th man te telin) an awm kim ngei 
tur a ni a; hemi huna player kim hman lo team chu an batting over tihtlemsak an ni ang a, minute 4 danah over 1 zela tihhniam tur a ni. (Eg. 8:45 – 8:49 inkara thleng 
kim chauh team-te chu over 1 cut sak an ni ang a. 8:49 - 8:53 inkara thleng kim chauh team-te chu over 2 cut sak an ni ang. Chutiang zelin minute 4 dan zelah 
over cut belh zel tur a ni. Chutiang zelin chawhnu match-ah pawh tih bawk tur a ni)

5. Squad-ah hian Player 20 awm theih a nih bakah Manager leh Coach an awm ang. Squad-a telte hi YMA member an ni ngei tur a ni a; mahni awmna branch ni lovah 
khelh theih a ni lovang. YMA dual membership nei player a niha, branch atanga player inchuh a lo awm a nih chuan CAM-a an in ziahluhna address tan a khel ang. 
Player 1-in branch 1 tan chauh a khel thei a ang. Fixture release ni-ah Squad hi thehluh tur a ni a. Squad thehluh tawh chu tihdanglam phal a ni tawh lovang.

6. Engemaw harsatna avanga match khelh dan tih danglam a tul chuan : a) Khawchhiat vang emaw thildang vangin inkhelh hun tura ruatah inkhelh tan 
hmanloh a nih chuan inkhelh tan hmain over 15 aia tam lo cut theih a ni ang (Over 5 chin a khelh theih chuan match puitlinga pawm theih a ni ang).
b) Inkhelh hun chhung bituk a zawh tawha, team pahnih tena alloted over chanve ve ve tal an vawm tlin tawh chuan khelh tawh chin atangin Cricheroes DL method
hmanga result siam tur a ni. A tlem ber over 5-5 match khelh ngai a awm a, chupawh chu harsatna eng emaw vanga DL Method hman a la ngaih cheu chuan 
inning hnuhnung zawkah over 2.3 tal an khel hman tur a ni.
c) Eng emaw harsatna vanga match khelh dan tur ruahmansa tihdanglam ngai a awm chuan Technical Committee te a tul angin an siam tha thei ang.

7. Powerplay : Over hmasa paruk hi compulsory powerplay a ni ang. Powerplay chhung hian inner circle pawnah fielder pahnih aia tam awm phal a ni lo. 

8. Free Hit : No ball hrim hrimah free hit a awm ang. Batsman pangngaiin ball a face chhunzawm chuan fielding thlak/change phal a ni lo.

9. Inkhelh chhung zawngin Inner Circle chhungah bowler leh keeper bakah fielder 4 tal an awm reng tur a ni.

10.Match-ah score tie a awm chuan Super Over hmangin chak zawk zawn tur a ni.

11.Cricket hi gentlemen game a nih angin mawi taka khelh tur a ni .

SUPER OVER
 Super Over hi match score tie a awmin hman a ni ang. Team 2 ten an match ball kha an hmang chhunzawm leh ve ve ang.
1. Super Over chu match pangngai zawh atanga minute 10 chhungin tan tur a ni. Team 2 ten over 1 ve ve an bat thei ang.
2. Match pangngaia bat hnuhnung zawkin an bat hmasa ang.
3. Team tinin batsman 3 an ruat ang a, chungho chauh chuan an bat thei ang. Wicket 2 a tlak chuan an bat theih hun a tawp tihna a ni.
4. Super over 1-ah Team 1 atangin batsman leh bowler a hran theuh ruat tur a ni. Bowler tura ruatin an bat thei lo ang a, batsman tura ruat ten an bowl thei lo 
bawk ang.
5. Super Over-ah pawh score a la tie cheu chuan chak zawk an awm hma chu super over hi khelh nawn zel mai tur a ni.

April ni 26, 2022 (Tuesday) a inkhel turte: 
      
Dar 9:00 : Bawngkawn Br Vrs Lunglei Lunglawn Br,    (Ground : Durtlang)
Dar 1:00 : Tuikhuahtlang Br Vrs New Serchhip Bazar Br, (Ground : Durtlang)
Dar 9:00 : Dawrpui Vengthar Br Vrs Mission Veng Br, (Ground : Mualpui)
Dar 1:00 : Zotlang Br Vrs Meisatla Br, Siaha (Ground : Mualpui)
Dar 9:00 : Maubawk Br Vrs Serchhip Hmar Veng Br,     (Ground : Ramhlun)
6 1:00  : Champhai Venglai Br Vrs Tuithiang Br, (Ground : Ramhlun)

Branch hrang hrang atanga team 45 tel te chu:

1. Armed Veng
2. Bawngkawn
3. Bawngkawn South
4. Chaltlang
5. Chaltlang Lily
6. Champhai Venglai
7. Chanmari
8. Chawnpui
9. Chhinga Veng
10. Dawrpui
11. Dawrpui Vengthar
12. Durtlang
13. Durtlang North
14. Govt. Complex
15. Hlimen
16. Hunthar
17. Khatla
18. Laipuitlang
19. Lawipu
20. Luangmual
21. Lunglei Lunglawn
22. Maubawk
23. Meisatla, Siaha
24. Mission Veng
25. Model Veng
26. New Serchhip Bazar
27. Ramhlun N
28. Ramhlun S
29. Ramhlun Venglai.
30. Ramthar Veng
31. Serchhip Hmar Veng
32. Sihhmui
33. Sihphir
34. Thuampui
35. Tlangnuam
36. Tuikhuahtlang
37. Tuikual South
38. Tuithiang
39. Upper Republic
40. Vaivakawn
41. Venghnuai
42. Zarkawt
43. Zemabawk
44. Zemabawk East
45. Zotlang