ZALEN August 18, 2026: Mizo Zaimi Insuihkhawm (MZI), General Headquarters chuan September 9&10, 2026 hian Vanapa Hall-ah 2nd Inter High School & Higher Secondary School beat contest an huaihawt dawn.

MZI chuan he intihsiakna huaihawt tur hian School Education lam atang pawhin phalna an nei tawh a, tel duh tan chuan September 3, 2026 thleng video thehluh theih a ni ang. Tel tur te chuan Mizo leh English hla chang 1 leh a thunawn video thehluh tur a ni a, heng zinga a ti tha 10 thlanchhuah te chuan inelna tak tak an hmachhawn dawn a ni. Video te hi phone number - 8794592167 leh 9774954386-ah te thehluh tur a ni.

Intihsiaka pakhatna hian Rs 70,000 an dawng ang a, pahnihna-in Rs 50,000 leh pathumna in 30,000 an dawng dawn a, a bak pasarih ten Rs. 10,000 theuh an dawng ang. Mimal chawimawina pawh siam a ni dawn a, Best Vocal, Best Gutar, Best Keyboardist, Best Bassist leh Best Drummer lawmman te thlan a ni dawn a ni.