Mizoram Volleyball Association (MVA) buatsaih, JJS Trucking BharatBenz Inter-Village Tournament 2023 chu Thawhtanni zana spike off a nih hnuah Thawhlehni atang hian mipa khelh tan a ni ta a, Zirtawpni atangin hmeichhia khelh tan a ni ve thung ang.

R.Dengthuama Hall, Mualpuia inelna khelhah hian court pathum awmin a hmasa berah Pool A atangin Chekkawn VC leh Thingdawl VC, Parvatui VC leh E.Lungdar VC leh Durtlang ‘N’ LC leh Pangzawl VC an inhmachhawn a ni.

A tan niah hian mipa inkhel 16 awm tura ruahman a ni.

Mipa team 80 hi pool li-ah then niin hmeichhia hi pool hnihah then an ni thung a. Karleh Nilainiah quarterfinal khelh tura ruahman niin Inrinni zanah final khelh tura duan a ni.

Thawhtanni zana a bul tanna, spike off hi Chanmari YMA Hall-ah neih niin khuallian, Lalnunsanga, Chairman, Mizoram Cooperative Apex Bank-in ball bengin bul a tan a. Dr. Lalmalsawma Nghaka, President, MVA-in fixture a tlangzarh bawk.

Lalmawizuala, Sr. Vice President, MVA kaihhruaina hnuaiah Pro Volleyball 2023-a Mizo Best Player Vanlaltanchhana, TNT Volleyball Club, tuna tournament-a Kawnpui Chhim Veng VC tana khel tur chuan player-te thutiam a laktir.

Kumina MVA-in khua leh khua, veng leh veng inelna a buatsaih hi hetiang a buatsaih tawh zawng zawnga tel an tam ber tum niin team 107 (hmeichhia 27 leh mipa 80) an tel a. Hmeichhia leh mipa team tel kawp thei khua/veng 17 zet an awm bawk.

Inter-village tournament hnuhnung ber, kum 2019 khan mipa team 52 leh hmeichhe team 18 an tel a. Kuminah erawh mipa hi a hnuhnung ber aiin team 28 zet leh hmeichhia pawh team kua laiin an tam zawk a ni.

MVA hian kum tina veng leh khaw inelna a awm theih nan Central YMA-in a huaihawt loh kumah inter village tournament hi a huaihawt thin a. Kum hnih dan zelah a huaihawt tihna a ni a, kum 2021 erawh kha chuan Covid-19 leng avangin a huaihawt lo thung.

Inelna neih hnuhnung ber, kum 2019-ah khan mipa final-ah Maubawkin final-ah 3-1-a Hunthar hnehin an champion a. Hmeichhe lamah Kolasib Diakkawnin final-a 3-0-a Thenzawl East hnehin an champion thung.

THAWHLEHNI (Sept. 19, 2023) INKHEL TURTE:
Chekkawn VC vs Thingdawl VC (Pool A) - Court No. 1
Parvatui VC vs E.Lungdar VC (Pool A) - Court No. 2
Durtlang ‘N’ LC vs Pangzawl VC (Pool A) - Court No. 3

Mamit Hmar Veng VC vs Tuirial VC (Pool A) - Court No. 1
Lengpui VC vs Tualcheng VC (Pool B) - Court No. 2
Hlimen LC vs Ramthar ‘N’ LC (Pool B) - Court No. 3

Lungpho VC vs Chungtlang VC (Pool B) - Court No. 1
Electric Veng LC vs W.Lungdar VC (Pool B) - Court No. 2
Bilkhawthlir VC vs Mualpui, Chhingchhip VC (Pool C) - Court No. 3

Chawngtlai VC vs Sairang Dinthar VC (Pool C) - Court No. 1
Khawbel VC vs Ainawn Veng LC (Pool C) - Court No. 2
Nursery Veng LC vs Tanhril LC (Pool C) - Court No. 3

Durtlang LC vs Thingsulthliah – I VC (Pool D) - Court No. 1
Tlungvel VC vs Ratu VC (Pool D) - Court No. 2
Phuaibuang VC vs Bungtlang VC (Pool D) - Court No. 3

Zanlawn VC vs Zemabawk LC (Court D) - Court No. 1