Aizawl August 7, 2024: Samuel Lalbiakhlua, kum 11 leh thla 5 leh ni 3 a niha Paragliding Professional Course hlawhtling taka zova, khawvela certified paragliding pilot naupang ber ni thei hnena International Book of Records-in hriatpuina Certificate a pek chu Chief Minister Lalduhoma chuan vawiin khan a office-ah a hlan.

Khawvela Paraglider naupang ber Samuel Lalbiakhlua hi MS Dawngzuala leh C. Zonunsangi, Saitual Venglai te fapa a ni a. Paragliding Course hi kumin March thla kha Bir Billing, Himachal Pradesh ah hlawhtling takin a zu zo a ni.

Samuel Lalbiakhlua chanchin hi Guinness World Records lam pawh hriattir an ni a. An hnen atang pawh hian hriatpuina hi a rawn thlen ngei beisei a ni.

Certificate hlannaah hian a nu leh pa leh Mizoram Paragliding Association hruaituten an rawn telpui a ni.