England chuan kum 2026 Women's T20 World Cup an thleng dawn tih International Cricket Council chuan an puang a, anni bakah hian 2024 leh 2027 hmeichhe tournament lian thleng tur ram pathum an puang nghal bawk.

Bangladesh chuan 2024 Women's T20 World Cup an thleng dawn a, hmeichhe tournament an vawikhat thlenna tur a ni ang a, 50-over World Cup erawh India-in an thleng thung dawn a, 2025-ah a ni thung ang. 50-over World Cup champion hnuhnung ber Australia chuan an champion nomawi kawl mek chu hum an tum dawn a ni.

T20 Champions Trophy erawh Sri Lanka-in February 2027 khian an thleng thung ang. Women's ICC Champions Trophy hmasa ber tur niin team 6 te inhmachhawn kualin match 16 khelh a ni ang. 

2026 Women's T20 World Cup hi England-ah June thlaah khelh a ni dawn a,  team 12-in khelin match 33 a awm ang. 2024-a Bangladesh dawn tur leh kum thar February 2023-a South Africa a khelh tur aiin set 10-in a tam zawk dawn a ni.

Heng bakah hian 2023 leh 2025 World Test Championship final chu Lord's-ah nghah a nih tur thu puan a ni bawk. 

Clare Connor, England and Wales Cricket Board (ECB) interim chief executive officer chuan,"2026 ICC Women's T20 World Cup thleng tura thlan kan ni hi kan lawm takzet a ni," a ti.