Cricket game-a International umpire hlui Asad Rauf chu kum 66 mi niin Pakistan-ah lung lam natna vangin a boral. 

Kum 2000 khan a vawi khat nan one-day international-ah umpire a ni a, kum 2006 leh 2013 chhung khan International Cricket Council member a ni bawk. Rauf hi Test match 64-ah official niin chung zinga 49-ah chuan field chhunga umpire in a awm a, One-day international bikah tum 139 leh Twenty20 international-ah tum 28 a umpire tawh bawk.

Pakistan Cricket Board chairman Ramiz Raja chuan,"Asad Rauf-a thihna hian min thawngin a lungchhiat thlak hle a ni. Umpire tha tak a ni satliah lo va, umpire chimawm tak a ni tel bawk a ni," a ti.

2013 khan Indian Premier League-a match-fixing thuhlaa thiam loh a chan hnuah Rauf hian umpire hi a chawlh san a, a hunlaiin Pakistan ramah cricket first-class game 71 leh list A match 40 a khel hman a ni.