Aizawl; Department of Public Administration, Mizoram University hmalaknain ni 2 awh International Seminar on Governance in Indias: Problems and Prospect chu 5th& 6th, November hian neih tum a ni a, inpuah chahna tan niin paper chhawp chhuak tur te pawhin a kaihtawi (abstract) an thehlut tawh thu MZU atangin thudawn a ni. ' National mai ni lo international a nih avangin inpuahchah that a ngai a. He seminar hian a tum ber chu mipui thuneihn a pek kawnga tihchak leh sawrkar tha leh langtlang a awm theih nan a ni a. Hemi tihlawhtling tur chuan khawvel hmun hrang hrang atanga mithiam an inhmuhkhawm a ngai a, MZU chuan seminar chu thlen a tum a ni,' tiin Public Administration, MZU hotu chuan Zalen a hrilh a. Tun dinhmunah erawh chuan palai leh ram tel tur zat a la hriat theih mai loh thu a sawi bawk. Seminar ah hian ei leh bar, E- Governance, Human Resources Management, media leh social media, India Hmarchhak leh Mizoram in hmasawnna chak a neih theih loh chhan leh hmasawn nana hmalak ngai te zirho a ni dawn a. Sawrkar tha a awm theih na turin mithiamte chu tuna aia zirbingna nei fo tura infuih dan te sawi ho a ni dawn a. Sawrkar tha siam tura sawrkar mi ni lo pawl leh tangkaina nei dangtete nen a taka hman theih tur ram hmathlir awmze nei siamchhuah tum a ni bawk.