Aizawl: Nimin khan NLUP Conference hall ah International Space Camp a tel te chawimawina hun hman a ni a, Higher & Technical Education Minister R. Romawia'n a hmanpui. November 15,2015 atanga November 22,2015 chhung khan St. Pauls Higher Secondary School naupang 16 (mipa 9 leh hmeichhe 7) leh zirtirtu 1 chu United States Space & Rocket Center, Hunts-ville ah space camp an nei a, hemi tuma kal te hi an titha hle a, team chawi-mawina Award 3 an dawng a ni. An zinga mi Jonathan Lalrammawia Hmar s/o David Lalthang-liana Hmar chu The Right Stuff Medal a dawng a, ani hi Astronaunt ni thei tura ngaih a ni. Nikum lama Space Camp zinga tel mi 2 Lalremtluanga leh Zodinsangi Chawngthu chu July 2016 khan NASA Visitors Center ah kaltir leh an ni bawk. ISC a telte chawimawina huna khuallian H&TE Minister R.Romawia chuan hlawhtling taka training chhuak naupang 16 te chu a lawmpui thu sawiin chona thar hmachhawn zel turin a fuih a. "Mizote hi Pathianin talent tha tak min pe a, kan thiltihna reng reng-ah hnamdangte aiin kan hniam bik lo a ni," a ti.