Aizawl October 13, 2023 : India ram dan IPC Section 17IB a tarlan angin inthlan laia mipui hnena vote zawn nana pawisa leh therhlo sem hi dan kalh a ni a, mi tupawh thamna pe leh dawng te, invau leh inrikrap thawm hria chuan Toll Free no. 0389-1950 ah eng hunah pawh hriattir tura ngen an ni.

Thamna petu leh a dawngtu te hi dan bawhchhia an ni a, kumkhat chhung lungin tan emaw pawisa chawitir emaw, a pahnih hmangin hrem theih an ni. IPC Section 171C in a sawi angin Candidate emaw vote thlak tu leh mi tupawh tharum hmanga rikrap leh hliam te pawh kumkhat chhung lungin tan emaw pawisa chawitir emaw, a pahnih hmangin emaw hrem theih an ni.

Heng thil diklo titute a tul anga thubuai (Case) siamsak turin Flying Squad din a ni. Hetiang thamna leh thildiklo laka inthiar fihlim turin mi zawng zawng ngen an ni a, mi tupawh thamna pe leh dawng te, invau leh inrikrap thawm hria te chuan Complaint Monitoring Cell/ Control Room 85 Call Centre, Aizawl District Toll Free no. 0389-1950 ah eng hunah pawh hriattir tura ngen an ni.