March 9, 2023; Inthlan kum a ni a, party tin ten sawrkarna siam ngei tumin thapui an chhuah chho mek a. Sawrkarna siam tur a rin chiah loh party leh pawl dang intelkhawm te pawh an bang chuang lo. Mithar lawmluh chu party worker te chawtui ber a ni chho mek.

'Mizo Hnam Run Lungleiah niminpiah March ni 7 khan thusawiin, MNF president, chief minister ni bawk Zoramthanga'n, MNF chu kum 60 chuang rinawm taka kal an nih thu sawiin, "Congress leh ZPM-te angin a nghing a nghing ve lo. Lungawihlohna hote tein a ngam loh lungphum chunga rem chhoh kan ni," a ti.

Pathian leh mipui zarah kumin kum tawp inthlanah sorkarna neih leh ngei an inrin thu leh an tum ngei thu sawi bawkin, "Kan sorkar hi beihna lian tham eptute hian an hre lo," a ti bawk.

March ni 6, 2023 khan ZPM chhung inkhawmah thusawiin, Lalduhoma pawhin, kuminah Vbc. 640 sum indaih lohna nei sain bul kan tan tih a sawi a, leiba tam tak neiin kum 50 thlenga mipuite rulh tur sum an puk thu te leh sawrkar leh tur tan pawha huphurhawm khawp leh hnual rawihna tur ba an hnutchhiah dawn niin a sawi.

March ni 1, 2023 a Congress Bhawan-a a thusawi ah MPCC President Lalsawta chuan, Congress party chuan ram rorelna thianghlim, corruption-in a tih buai loh, ram mipui himna leh an mamawh tinreng ngaihtuah saktu sawrkar siam an tum thu a sawi. 

Inthlan kum a ni a, politics kaihhnawih social media (whatsapp/fb) hrang hrangah party workers ten 'mithar lawmluh' an tuipui chho a. Hetihlai tun dinhmun thleng chuan inthlan thlir a pawl thar indin emaw intuaithar emaw sawi tur an la awm lo. Mithar lawmluh chungchang-ah 'tihdikna' te pawh chhiar tur leh hmuh tur a awm chho nawk a, tunlai a party workers tang zualte 'breaking news' chu mithar lawmluh a ni. A ni chho zel dawn niin a lang bawk.!