October 6, 2023; Inthlan a hnai zel a, party lian pathum zingah INC chiahin official in an candidate an la puang lo. Kum 2018 ang a inthlan kalpui a nih dawn chuan, inthlan puan hun a ni tawh.

Kum 2018 MLA inthlan hun kha October ni 6 (Inrinni) ah puan niin, hemi zulzui a kal a nih chuan vawiin ah pawh inthlan puan theih a ni tawh a, party te pawh chumi tur chuan an inpeih tlang tawh niin a lang.

Inthlan hnuhnung berah khan, November ni 28, 2018 (Nilaini) ah vote thlak niin, December ni 11, 2018 (Thawhlehni) ah vote chhiar a ni.

2018 inthlan ah khan candidate 209 awmin, chung zinga 191 te chu mipa niin, hmeichhe candidate 18 an awm a, hmeichhe tling erawh an awm lo.

Inhnehna sang ber chu Aizawl West II niin, MNF candidate Lalruatkiman vote 2,720 in amah hnaih bertu aiin a hmu sang a, inhnehna hniam berah, Tuivawl bial MNF cadidate Lalchhandama Ralte chu vote 3 in a chak.