ZALEN October 9, 2023 : Mizo National Front, General Headquarter Mizoram, Aizawl chuan Election Commission of India Mizoram Legislative Assembly Election result chhiar hun atana Pathianni (3.12.2023) a ruat chu duh lohvin Election Commission of India hnenah sawn turin lehkha an thehlut.

MNF chuan Pathian biak inkhawm ni ruat a ni chu Mizo Kristiante palzutnaah an ngaih thu thuchhuah an siamah an tarlang a, Thawhtanni, 4.12.2023-ah sawn turin Chief Minister Zoramthanga rawtna angin vawiin khan Chief Election Commissioner, Election Commission of India hnenah TC Kaphmingthanga, General Secretary, MNF General Headquarter hmingin a ni hi sawn turin lehkha an thehlut a ni.