Aizawl February 27, 2023: Vawiin khan All India Congress Committee 'AICC 85th Session', Raipur, Chhattisgarh-a zuk tel te chu Lengpui Airport-ah MPYCC te chuan an lo hmuak a, Airport-a hun an hman naah MPCC President Lalsawta chuan pawisa nei tam ringawt inthlana tling tura kan hisap a, nei ve lo ten a kan tel ve pha dawn loa inhriatna chuan a tih thlaphan thin thu a sawi. 

MPCC President Lalsawta  chuan, "Hmun danga kal hian rualawh a na thin, Mizoram siamthat hi kan thei rengin kan hre si a, chuvang chuan rualawtin kan lo haw. Inthlan kum a ni a, theih tawpin kan ti ang a, thalai ten theih tawpin thawh tak tak ang a, kan ram siam tur hian thil harsa a awm lo a," tiin, "Ram siamtha turin mihringte ngaihtuahna tihdanglam sak hi a a pawimawh ber. Tuna kan kalphung mek anga pawisa nei tam tam ang ringawt, inthlanaah pawh tling tura kan hisap, nei ve lo tena kan tel ve pha dawn loa kan han inhre sa ngawt ang chi hian min ti thlaphang thin a," a ti.

Lalsawta chuan, "Mahse, mipuiin kan ngaihtuah dan ber kan tih danglam chuan
Mizote thil zir chak kan nia, kan ram tan that lohzia kan hria. Keimahni mai bakah kohhran leh NGO  leh Pathian thlengin a duh loh kan hria, huai takin min puitu tur a phena awm hi an tha em a, kan sawrkar ngei theihna turin theih tawp kan chhuah dawn a ni," tiin, mipui ngaihtuah dan ber kan tihdanglam chuan a hausa leh neinung ringawtte ram hruaitu atana dahna rilru chu siam danglam theih a nih a beisei thu MPCC President chuan a sawi.

MPYCC President, Dr. Lalmalsawma, 'AICC 85th Session'-a zuk tel chuan, "BJP sorkarna hnuaiah India ram hmun hrang hrangah Kristiante nekchepna a punlun hle a ni," a ti a. "Hetih laia Kristian state tih hiala sawi Mizorama BJP-te lo vulh len hi kan tih tur a ni em tih hi mipuiten kan ngaihtuah ngun hle a ngai a ni," a ti bawk.

'AICC 85th Session'-a Mizoram atanga zuk kalte hi - MPCC President Lalsawta ; CS Thanga, G/S ; MPCC Media Dept. Chairman Dr. Lallianchhunga ; Mahila President Vanlalawmpuii Chawngthu, Ex-Minister leh MPYCC President Dr. Lalmalsawma te an ni.