ZALEN Dec. 19. 2024; Bangalore a 'Luv Salon' neitu, Hortoki khaw mi, Laltlankimi chuan, All India Hair Stylish Competition, Spotlight 2024-ah second runner up lawmman a la.

ZALEN thudawn danin, he intihsiaknaah hian India ram hmun hrang hrang atangin mi 600 chuang an tel a, thlitfim chhoh zel niin, a tawpah mi 30 te an inel.

Luv Salon neitu Laltlankimi hian second runner up lawmman dawngin, a lawmman lak hian thuziak leh pawisa fai Rs. 1,50,000 a keng tel.

Intihsiakna hi December ni 17, 2024, Thawhlehni zan khan Jio World Plaza, Mumbai-ah neih a ni. Luv Plaza neitu Laltlankimi hi Hortoki, Kolasib District khaw mi niin, kum 2001 atangin Bangalore-ah a awm a, tunah hian Luv Salon neiin, a hnuaiah mi engemawzah an thawk mek a ni.