ZALEN Oct. 22, 2024; Naktuk (23.10.24) atangin Commercial Vehicle thenkhatte nawrh huaihawtin an ding dawn a, hetihlai hian Aizawlah chuan lirthei intlanchhawk tihdanglam tumna a awm lo ni a thudawn a ni.

Tarlan tawh thin angin, Mizoram Commercial Vehicle ten nawrh huaihawt an tum chu, Aizawl bikah chuan mipui vantlangin an hman nasat, City bus ten an thlawp dawn a, hei hian mipuiah thui tak nghawng a nei tura ngaih a ni.

Aizawl bika service-ah taxi (2Wheeler/4Wheeler) te chu a pangngai angin an tlan dawn thung a, veng thenkhata Autorickshaw service te erawh ding tur zingah an tel nia hriat a ni.

Mipui nawlpuiin veivahna atana an hman nasat City bus te an din dawn avang hian intlanchhawk dan tidanglamin, vai tlan ni thei se tih duh an awm nual a, hemi chungchang a ZALEN thudawnnate chuan he thu ziahlai chawhma lam thleng hi chuan intlanchhawk dan tihdanglam chungchangah hmalakna a awm lo niin an sawi.