ZALEN November 4, 2025 : IOCL in revised Retail Selling Price a tihchhuah angin, Mizoram chhungah LPG 14.2 KG (Domestic) leh LPG 19 KG (Commercial) rate chu bithliah thar a ni a, November ni 1, 2025 atanga hman tan kha a ni.

LPG Distributor awmna khaw hrang hranga LPG rate thar ang chuan Vairengte-ah Kg 14.2 chu Rs. 996 a ni a, Kg 19 chu 2023 a ni a Kg 19 Xtra TeJ chu 2045 niin Kg 10 chu Rs. 714 a ni tawh ang. Mizoram hmun dangah zawng Kg. 14.2 chu Rs. 1005 a ni ang a Kg 19 chu Rs. 2037 a ni anga a, Kg 19 Xtra TeJ chu Rs. 724 a ni ang.

Aizawl Municipal Area leh District Hqrs. ah te 'home delivery’ kalpui tawh tur a nih avangin Rs.70.00 belh zel tur a ni a, Mizoram chhung hmun dangah home delivery hi kalpui a nih pawhin Rs.70.00 hi belh zel tur a ni. Godown-a hralh anih erawh chuan Rs.33.43 zel paih thung tur a ni. Tin, Home Delivery a kalpui thei nganglo veng, point delivery kalpuinaah chuan Rs.7.53 belh zel tur a ni.

LPG Home delivery-a semah hian 10 kgs cylinders sem tel a nih chuan Rs.70/- per cylinder belh tel tur a ni a, 5 kgs cylinder sem tel a nih chuan Rs.20/- per cylinder belh tur a ni ang. 

FCS&CA office order angin LPG Distributor tin te chawm tur khua leh an hlat zawng tarlante, Order hmanga KM zat leh pawisa chawi belh ngai zat tarlante hmangin a chunga rate tarlan atanga chhutchhuakin LPG Distributor ten an huamchhung khuaah theuh LPG hi an sem thin tur a ni.

Instruction tarlan te hi hun laklawha IOCL lamin a rate an rawn ti danglam anih pawhin instruction tarlan ang hian kalpui zel tur a ni ang.