Khawvel nghahhleh iPhone 15 series chu tlangzarh a ni ta a, India-ah pawh booking a tih theih tawh e. 

iPhone 15 series hi a man tlawm ber chu Rs. 79,900 vel atangin a intan a, a man to ber chu Rs. 2 lakhs a kai thuak thung. iPhone 15 te hi a man tlawm ber an ni a, Rs. 79,900 atanga Rs. 1,09,900 man inkar an ni. iPhone 15Plus te hi Rs. 89,900 atangin a intan a, a man to ber chu Rs. 1,19,900 a ni. 

iPhone 15 Pro leh iPhone 15 Pro Max te erawh an man a sang deuh. iPhone 15 Pro man tlawm ber (128GB) pawh hi Rs. 1,34,900 vel a ni a, a man to ber (1TB) chu Rs. 1,84,900 man lawih a ni. iPhone 15 Pro Max man a to leh zual a, a tlawm ber (256GB) pawh Rs. 1,59,900 atangin a intan a, a man to ber (1TB) phei chu Rs. 1,99,900 zet a ni. iPhone te hi US, Dubai leh Hong Kong te nena khaikhin chuan India ramah a to fal hle a, a inthlauhna hi atam tham hle a ni awm e.  

A man inthlauhna tehkhin nan - 'India atangin Hong Kong-ah thlawk lutin hotel-ah thleng la, iPhone 15 Pro Max lei la chu ai pawh chuan India-ah a la to zawk' tiin an sawi hial. iPhone 15 series te hi tun hnaia smartphone chhuak tharah chuan ngaihven hlawh ber a ni mek.