Aizawl: Vaivakawn Thlanmual kaltlanga Zohnuai veng atanga NH 54 panna kawng chu nimin zing khan I&PR Minister Lalruatkima'n a hawng.

Minister Lalruatkima chuan kawng hawn hi mipuite leh khawtlang hruaitute tawiawmna a zara puitlin a ni tiin kawng a lo puitlin theih nana mimal ram neitu ten khawtlang mamawhna te chhanga siam puitlin a ni chu lawmawm a tih thu a sawi a. Minister chuan Vaivakawn atanga Bazar Bungkawn kawng tha mawh em em leh kum tin deuh tawh resurfacing tih ngai thin chu, sawrkar in rigid payment a siamsak chu lawmawm a tih thu leh kawng inkalpawhna chu hmasawnna atana rahbi pakhat a nih avangin mipuite pawn a enkawl leh a hmandanah fimkhur a uluk taka neitu chan changa mawhphurhna la turin a ngen a. Dan in a phalloh thil te tihloh leh bawlhhlawh paih thleng pawh a fimkhur a tul zia leh hemi kawnga hmasawn ngai kan nih thu a sawi bawk.

He Project hi cheng nuai 166.77 senga siam a ni a, Phase I hi March ni 10, 2021 ah khan zawh fel a ni a, Phase II hi September ni 19, 2022 khan zawh fel a ni. A kawng thui zawng hi 400 km vel a ni. Kawng chhuk lai  hi '1 in 3' vela sang a ni a, motor te kal theihna tura siam a ni bawk a ni.