Aizawl: Indian Road Congress Mid-term Council Meeting vawi 215-na chu Mizoram University Auditorium-a neihah Road Transport & Highways Minister Mansukh L. Mandaviya-chuan IRC documents a tlangzarh. Khuallian Union Minister Road Transport & Highways Mansukh L. Mandaviya chuan, “Khawvel thang chak takah hian ram changkang zawkte um pha tur chuan hun a danglam ang zelin keimahni pawh inthlak danglam thiam a ngai a, khawvela ram thiltithei ber nih tur chuan infrastructure thaah kan hausak a ngai phawt a ni,” a ti bawk. Union Minister hian IRC Documents for 2017-2018 a tlangzarh  nghal bawk a ni. Mizoram PWD Minister Lal Thanzara pawhin Mizoram chu state te berte zinga mi ni mahse thang chak em em leh a chhunga cheng mipuite pawh khawpui nunphung (urbanization) la chak em em an nih thu a sawi a. “Chuvangin, kawng tha leh inkalpawhna tha chu mipuite an mamawh hle a ni,” a ti.