Olympic 100m champion Lamont Marcell Jacobs chuan a ropuina a lan tir lehna hmasa ber turin ISTAF Berlin-ah men's 60m ah gold a la. Nikum Tokyo Olympic a 100m leh 4x100m gold medal a la hnua intih siak a tel lehna hmasa ber niin meter 60 hi second 6.51-ah a thleng hman a ni. 

Kum 27 mi Italian hi Ivory Coast mi Arthur Cisse chuan dawtin second 6.60-ah a thleng a, pathumna France mi Jimmy Vicaut chuan second 6.61-ah a thleng thung. 

Britain Daryll Neita chuan hmeichhe 60m lamah hma hruai ve thungin second 7.15-ah a thleng. Kum 25 mi Daryll Neita hi Italy mi  Zaynab Dosso chuan dawtin second 7.28-ah a thleng a, pathumna Germany Sophia Junk chuan second 7.29-ah a thleng thung. 

Hmeichhe lama gold latu Neita hi Great Britain Team relay tana Olympic tum hniha bronze medal hlawh chhuah pui tawhtu niin a  record a khum a ni.