ZALEN November 23, 2024 : Vawiinah khan Hachhek bialtu MLA Robert Romawia Royte chuan Tuidam Welfare ten an kum 10 tlin lawmna D&E Picnic Spot ah Khuallian niin a hmanpui a. He hunah hian J. Lalrosanga Youth Icon Top 5 chu Tuidam Welfare Award hlan a ni.

Hachhek bialtu MLA chuan Tuidam khua chu khaw nuam leh hmasawn chak a nih sawiin zaithiam leh inkhel thiam tamna Zoram mipuiin an thlir rawn a ni a, Tuidam chu mimal leh pawl ang pawhin mi entawntlak niturin a chah bawk. He hunah hian Tuidam tlangval J. Lalrosanga Youth Icon Top 5 chu Tuidam Welfare Award chu Robert Romawia’n a hlan bawk a ni.

He programme atan hian Robert-a chuan Bus a thawh bakah sum fai tanpuina a pe a ni.

Vawiin vek khan Young Bru Association te chuan a vawikhatna atan Aizawl Bru Meet, Hyve Centre ah an hmang a. He hun hi Robert Romawia Royte chuan Khuallian niin a hmanpui bawk a, YBA members te chu mahni inrintawkna neia taima leh rinawm taka an hmazawna mawhphurhnate hlen thin turin a chah a. Mizorama pawl hrang leh Sawrkar pawh thawhpui thiam turin a chah a ni.