Golden Globe Award sem hun tur a hriat leh ta a, January 7, 2024-ah sem a ni ang. America bakah khawvel huapa film leh television lama chawimawina ngaihhlut dawng thei tura chhawp chhuahte hi tun hnai khan puan a ni a, boruak a nei leh nghal hat. 

Award dawng thei tura chhawpchhuah zingah hian mi thar 278 zet an awm a, chung zingah chuan - Ali Wong, Chris Rock, Steven Yeun leh Trevor Noah te chu a langsar zual an ni. 

Barbie, Oppenheimer leh Succession te chu nomination hmu hnem zual an ni a, award an dawng nual a nih pawhin a mak lo ang. Barbie hi nomination hmu hnem ber niin, category 10-ah zet a lang. Christopher Nolan kut chhuak Oppenheimer chuan dawtin category 8-ah a lang ve bawk. Television bikah chuan Succession a langsar ber a, category 9-ah a lang - a sang fal hle.

81st Golden Globe Award hi Beverly Hilton, Beverly Hills, California-ah sem a ni dawn a, CBS leh Paramount+ ten live-in an pe chhuak dawn a ni.