American singer Jennifer Lopez chuan a studio album pakuana a tichhuak ve leh ta. A album thar hi February 16, Zirtawpni khan a tichhuak a, 'This Is Me...Now' tih niin hla 11 a awm a ni. 

'If You Had My Love' hitmaker hian a album thar pual hian tour a nei zui dawn a nih hmel a, a hun tur erawh a a chiang lo. Kum 54 mi hian a studio album pathumna title-ah 'This Is Me... Then' tih a lo hmang tawh a, tun tumah hian 'Now' in a rawn thlak ve thung a ni. Hetia a tihchhan hi Ben Affleck nen an inkar a that leh tak vang niin khawthang media te chuan an tarlang bawk. A album thara hlate hi music streaming platform hrang hrangah ngaihthlak theih a ni. 

Jennifer Lopez hian February 13, Thawhlehni khan musical film 'This Is Me...Now: A Love Story' chu Dolby Theatre-ah a lotichhuak tawh bawk a, a lbum te nen hian a la inlai chin chho zel a ni. He film hi minute 65-a thui a ni a, Amazon Prime video-ah en theihin a awm. He film director hi Dave Meyers a ni a, scriptwriter hi Jennifer Lopez leh Matt Walton te an ni - a changtu zingah Ben Affleck a tel bawk.