Kum a thar hian company hrang hrang ten an mahni dawrtute tan thil thar an ruahman thin a, Jio pawhin thil thar an rawn chhawp chhuak ve leh ta. 

Akash Ambani kaihhruaina hnuia India ram telecom sector thunun mektu Reliance Jio hian data plan thar an chhawp chhuak a, Rs. 148 man a ni. Reliance Jio prepaid Rs. 148 man hi ni 28 chhung a dam a, hemi hun chhung hian call duh zat zat a hman theih bawk. Hei hian 5G data 10GB a keng tel a, JioCinema Premium a chhawm tel cheu bawk - Sony LIV leh Zee5 te chu JioTV application kaltlangin a thlawnin a en theih bawk a ni. 

Tun lai khawveah chuan phone recharge hian phone chauh a tinung a ni satliah tawh lo a, OTT subscription a chhawm tel deuh zel tawh. Jio pawh hian plan hrang hrang an ngah hle a, chungte chuan OTT subscription a kengtel deuh vek a, JioTV leh JioCinema lamah a thlawnin thil tam tak en theihin a awm a ni. 

Jio hian Rs. 2999 man kum khat dam plan an nei a, offer tha tak siamin ni 365 hnuah pawh ni 24 dang a dam thleng dawn a ni.