ZALEN November 24, 2023 : Mizo tawnga spy chanchin tarlanna thawnthubu tha kan neih hmasak ber ni hiala sawi, Joe Ngurdawla sulhnu Wayne Cole bu hrang hrang te chu chhiar leh theih turin chhawpchhuah a ni a, thawnthu hrang hrang a ziah pasarih te chu Bu thumah khungkhawm a ni a, vawiin Dar 2 khan Aijal Club-ah tlangzarh a ni.

 Heng thawhthu 7 zinga pahnih High Time in Paris leh Dirty Broadway te chu bu khatah dah a ni a, Thawnthu pathum, Meet me in Hawaii, Meet me in Texas Moonlight leh Berlin's Calling te chu bu khatah dah khawm a ni thung a, Thawnthu pahnih Home In Texas leh Okinawa Conspiracy dahna chu bu khatah dah a ni bawk.

Joe Ngurdawla hi 1941 khan Saitual-ah a piang a, 1972 khan Mizoram Union Territory inthlan hmasaber 1972 khan Sairang Constituency-ah MLA-a thlan tlin a ni a, hetihlai hian kum 31 mi vel a ni. 1986 khan PC Party ticket-in Khawbung constituency-ah thlan tlin a ni leh bawk. Joe Ngurdawla hi January 23, 1996 khan a boral a ni.