MJMC, Mizoram University March 5, 2019 khan Rajasthan Drugs Control Organization (DSO) te chuan naupang leh a bik in nausen ten an hman lar em em Johnson and Johnson ah hian damdawi chi khat formaldehyde (mitthi ruang chhiat lohna) an pawlh tih hmuh chhuah a ni.
A bik takin an shampoo-ah hian an pawlh tih hmuhchhuah a ni.
Hemi thil thleng avang hian he company hi tihtawp a ni rih a ni. Johnson & Johnson hian hemi chungchang hi hnial thla mah se, an hman sample te hi (CDSCO)Central Drugs Standard and Control Organization) endik tur leh uluk leh zuala test paltlang tura tih a ni. Hemi thil thleng mek hi kum 3 liam ta khan lo hmuhchhuah tawh a ni a. Mahse, hei hian awmzia a nei thui lutuk lo niin a lang. Tun hnai mai, March thla khan mi thiam leh zirchiangtute chuan hemi chungchangah thutkhawmna hung neiin hun hman a ni a. Chutih rual chuan J&J hian he an puhna hi nasa takin an hnial a ni.
Central Drugs Standard Control Organisation pawh in hemi chungchangah hian Indian mipuite a hmangtute harsatna hriatthiampuiin an hna hlen lo leh lo hmang thintute humhim tha tawk loah a puh a ni. CDSCO chuan thuchhuah siamin he thil thlengah hian zangnadawmna pek a phut bawk a ni.
Test hrang hrang thla hnih chhung an paltlang hnuah CDSCO chuan J&J company chu an thil siam chhuahah dik lo em em leh pawi em em a hmuh loh avangin an baby shampoo tih loh chu hralh chhuah leh a tum a ni.

FORMALDEHYDE HI A HLAUHAWM EM?
Kan sawi tawh ang khan Formaldehyde Kan tih mai hi mitthi ruang chhiatlohna a hman thin ani.Shampoo hrim hrimah hian chhe tê pawlh a lo ni hrim hrim a ni. Hemi hi pawi tham em em turin mi thiamte chuan a hlauhawm loh an ti a ni.
Formaldehyde kan tih hi mi thiamte sawi dan chuan khawiah pawh a awm a, kan chhehvelah hian a awm bawk a ni an ti. Kan ei leh inah te, thei leh sanghaah te a awm tlangpui. Tin, in chhung bungrua, thutthleng te, chair te, dawhkan te kan polish nana Kan hman thinah hian a tel a ni. Kum 2005 liam taa an zir chiannaah chuan mihringin ni tina kan thawkchhuahah his Formaldehyde kan tih hi 1.2-7.2 much/cum a tel a ni.

ENG NGE HLAUHAWM EM EM HE SHAMPOO-AH HIAN?
A hmasa ber atan chuan Formaldehyde hi kan hre chiang em em tur a ni. Naute tan engzat chiah in nge a hlauhawm, natna a thlen dan te, mi tin pawn engzat chiah nge a chhuah boruakah hian kan hre tur a ni. Shampoo chauh pawh ni lo, mi tinin kan hman nasat em em, a bikin thalaiah, heng min timawitu, min tilang nalh em emtu, a then phei chuan a tel lova kan chhuahpui ngam loh cosmetics hrang hrangah hian telh a ni.
An damdawi pawlh hming chu quarternium -15 leh Methamine hi a ni a. An telh chhan chu natna dotu a nih vang a ni a. Mays makeup hmangtute leh a kaihhnawih hmang thin tan pawh a awm chin leh nasa lo chin a kan hman thiam a tul a ni. A chhan chu lan hman nasat lutuk chuan nakinah kan hmai tan thil tha lo leh pawi thui zawk a thlen a hlauhawm a ni.

ALLERGIES A THLEN THEI EM?
Zawhna tam tak awm thin chu he formldehyde kan tih mai hian Kan vunah kan taksaah huatna (allergies) a thlen thei em tih a ni. A chhanna chu “Aw’’ Allergies nasa tak a thlen thei tih a ni. A bikin shampoo-ah hian engpawh nise a pawi tham em em lo niin a lang. Lotion kan hman thinah hian tlem pawlh a ni bawk a; mahse, hei hian pawi a khawih em em lo a; amaherawhchu, a hman dan chin tawk kan thiam tur a ni.
Johnson & Johnson te chuan he an puhna hi an cho em avangin leh test paltlang an cho em avangin he shampoo hi CDSCOS (Central Drugs Standard & Control Organisation) lab-ah en nawn leh zirchiang leh zual tura tih a ni.

HLAUH TUR ANI EM?
He zawhna hi zawh ngun em em a ni a. Mahse, a chhana chu Hlau Suh tih a ni. Lo hmang tawh thintuten hmang tim emaw ring tawh lo mah se a hlauhawm lo tih hmuhchhuah ani a…. Engpawh nise, formaldehyde hi an pawlh a; mahse, cancer vei tham tur em em chuan a hlauhawm loh a.. a rintlak em em bawk a ni.
A tawpna atan chuan he Johnson & Johnson hi a la hman tlak em em a, mihringah pawi em em a khawih pha lo a ni.