October 12, 2023; Nimin (11.10.2023) a Central YMA huaihawta NGO hrang hrangte leh Political Party hrang hrang aiawh ten Election Commission of India (ECI) a Mizoram Inthlan vote chhiar hun sawn tura ngenna lehkha thehluh nise an tih chu vawiin khan ECI ah thawn a ni a. A lehkha Copy hi Chief Electoral Officer ( CEO), Mizoram hnenah pek a ni bawk.

Election Commission of India (ECI) in Mizoram State Legislative Assembly inthlan Vote chhiar hun atan a ruat, December 3,2023 chu Pathianni a nih avangin a hun sawn tur leh Pathianni leh Inrinni ni lo, nidang ruat tura ngenna lehkha hi Pu Rajiv Kumar, Chief Election Commissioner hnenah thawn a ni a. Lehkha ah hian Mizorama Political Party hrang hrang - AAP, BJP, MNF, MPCC, PC, ZNP, ZPM Party leh NGO hrang hrang - CYMA, MUP, MHIP, MSU, MZP President theuh ten hming an ziak a ni.