Jonas Brothers fan te lo inring ru le - an album thar tur an zo fel tawh e. Engtik hunah nge an tihchhuah dawn la sawi lo mah se, Nick Jonas chuan an album thar tur hi an peih fel tawh thu a sawi. 

Nick Jonas hi The Voice coach a lo nihpui tawh Kelly Clarkson kiangah 'Daytime Talk Show' ah Zirtawpni khan a inlan a, album thar chungchang hi a sawi chhuak. Nick chuan, "Kan album thar tur kan peih fel tawh a, kan phur tawh tak zet a ni," tiin a sawi a, album tihchhuah hmain single an tichhuak hmasa a nih pawhin a mak lo ang. 

Nick Jonas sawi hmangin Jonas Brothers hian nakkum lamah tour an nei dawn a, an album tih lar nan tour an nei dawn a nih hmel hle. Jonas Brothers te hian nupui an nei hlawm tawh a, tun hma angin thawm pawh an nei ring tawk lo.

"Kevin leh Joe te chuan fa an nei tawh a, kei erawh chuan ka la nei ve lo," tiin Nick Jonas chuan a sawi bawk a, surrogate hmanga an fa chu fa takah a la chhiar chiah lo a ni mai thei. 
Joe Jonas leh Sophie Turner te chuan fanu pahnih an nei tawh a, Kevin Jonas leh a nupui Danielle te pawhin fanu pahnih an nei ve tawh bawk.