ZALEN July 17, 2026 : Kum 21 mi, Jonathan Lalhmingthaa Pachuau, POCSO leh pawngsual case-a puh chu July 16 ah khan Laitumkhrah Police Station Officer-in-Charge hnenah a inpe. 

Amah hi 'Laitumkhrah PS Case No. 100/2026 hnuai Sections 3, 4, 11 and 12 of the Protection of Children from Sexual Offences (POCSO) Act' leh 'Laitumkhrah PS Case No. 94/2026 hnuai Section 64(1) of the Bharatiya Nyaya Sanhita (BNS)' hmanga register a ni.

Jonathan Lalhmingthaa Pachuau hi a inpek ruala man zui niin, a chungthu rel turin court-ah hlan a ni ang.

Tarlan tawh angin Shillong-a Mizo zirlai hian hmeichhe pariat aia tam a khuaikhem mai bakah social media-ah a vau zui thin niin social media lamah a thang a, Police Station-ah pawh koh a ni tawh a, thu kal zelah Meghalaya Police te chuan FIR hi an ziaklut ta a ni.