ZALEN September 17, 2024: Mizo gospel singer lar, Jonathan Lianhna nu, Lalzuithangi (58), Lunglawn Veng, Lunglei chu nimin (16.9.2024) chawhma dar 9 khan a thi a, vawiin chhun 12 khan vuiliam a ni.

Jonathan-a hian, "Nimin khan i thawk tawp thlengin Lalpa hmaah kan dinpui che a.. thlarau thianghlimin min awmpui a, nangmah ngaih avanga mittui phenah hian thlamuanna hnutchhiahin kan awm tho a nia, min tawngtaisakna kal zel a la ni aw.. kan ngai dawn che; mahse, kan thlah ta che, i dam hlen nan..," tiin vawiin khan a Instagram story-ah a nu thlahna a dah chhuak.

"I damloh laia buai taka ka awm lai khan i na tuar hahdam em em thin avang khan Lalpa'n helai chang hi min pe a nih kha, i kal dawnah meuh pawh helai hla thu hi i nemnghet nawn leh ta chu a ni a, heng ka hla phuah tam tak hi nangmah kaltlanga Lalpa min pek a nih kha, i tawngtaina kaltlangin mi tam takin malsawmna kan dawng a nia aw.. Nu te tak tê, Lalpa avanga ropui ka tih em em si i ni. Nu, ka chhuang che.. ka hmangaih che," a tih chhunzawm bawk.