Zaithiam famta Joseph Zaihmingthanga hriat reng nan society din a ni. He society hming hi Joseph Zaihmingthanga Memorial Society (JMS) tih a ni a, February 1, 2024 (Ningani) khan a hlanna neih a ni. Hemi ni hi Joseph-a birthday a ni a, Woodland Hill, Zonuam-ah a lawmna leh JMS hlanna hi a ruala neih a ni. He hunah a chhung khat laina hnaite leh a thian thate bakah zai mi eng emaw zat an tel a ni. 

Zaithiam hming dai tawh lo tur zinga mi Joseph Zaihmingthanga hi July 5, 2023 khan heart attack avangin a boral a, kum 42 mi chauh a la ni nghe nghe. Amah awm tawh lo mah se a pualin society din a ni a, amah hriatreng nan kawng hrang hrangin hma an la dawn a ni.