JT Production tia mipuiten kan hriat lar zaithiam Lalnunzawma chuan January 18, 2024 (Ningani) khan nupui a nei. A nupui hi Lalrinawmi Renthlei, Zonuam (Aizawl) a ni a, Vanghmun Baptist Biakin, Jampui North Tripura-ah an inkutsuih a ni. 

Nupui nei thar Lalnunzawma chuan, "Inneih senso a hautak si a, puangzar lutuk loin kan innei ta mai a ni," tiin ZALEN palai a hrilh. 'Ka thinlung hmutu' tih hla hmanga Zofate min awi tleitu JT Production hian hla hit tak tak a nei nual a, chung zingah chuan 'A thuk tawh' tih chu mite duh rawn ber tih ngam a ni - YouTube-ah pawh viewer maktaduai 4.5 zet an awm! JT Production hian zaithiam lar tak tak a lo thawhpui nual tawh bawk a, million view kai ringawt pawh hla 11 zet a nei a ni. 

ZALEN chhungkua chuan Lalnunzawma leh Lalrinawmi Renthlei te hi nupa hlim tak ni tur leh fa nau malsawmna tam tak dawng turin duhsakna kan hlan mawl mawlh e.