Kumin zet chu Mizo film thar a chhuak mawlh mawlh a ni ber - July 5-ah 'Thih Thlengin Aw' tihchhuah a ni dawn a, July 20-ah Vitanova a chhuak leh dawn bawk. 

Vitanova hi Elza TV te kutchhuak a ni dawn a, en a chawkawm tawh hle. Elza TV te hi YouTube lamah an thawm a na hle mai a, thalaite zingah phei chuan an tlana hle. Zaii Hauchhum leh Young Fella te nen 'Val Senior' music video an tihchhuah hnu phei kha chuan hriat an hlawh leh zual - tun tumah chuan film lam an rawn chhawp chhuak ve thung dawn e. 

He film-ah hian lemchan lamah kan lo hmelhriat tawh sa Isaac Chawngthu kan hmu dawn a, hmanlai hun leh tun lai hun ah a rawn inlan dawn. Isaac hi tun lai Mizo film star zingah chuan sawm hlawh ber pawl a ni a, Dear Kim, Hawrawp Hnuhnung ber leh film dang eng emaw zatah a lo inan tawh. Vitanova film-ah hian a changtupa a rawn ni dawn a, nulate mit a tlai leh viau dawn a ni. 

Ani bakah hian Tarpilu YouTube channel lama kan hmuh thin Ruatruati bakah, Kenny, Hlutei leh midang eng eawm zat an inlan a ni. Shooting hi Lengte leh a chheh velah an nei a, July 20, Inrinni zan hian Vanapa Hall-ah tlangzarh a ni ang. Zo Stream te produced niin, a film pawh hi Zo Stream App-ah en theihin chhawpchhuah a ni ang.