Mizo Zaimi Inzawmkhawm (MZI) leh Art & Culture Department tangkawp chuan July 27-28, 2023 hian hmarchhak huap Zoawi Kut an buatsaih dawn. Zoawi Kut hi Dawrpui Multipurpose Centre-ah neih a ni dawn a, a duh a piang tan chhim theih a ni ang. 

He hunah hian hmarchhak state hrang hrang atangin zai tur mimal leh band te an fuan khawm dawn a, cultural troupe te pawh biak fel an ni tawh.

Zoawi Kut hi July 27, 2023, chawhnu dar 2:00pm ah Chief Minister Zoramthanga'n a hawng dawn a, zan dar 9: 00pm thlengin hun hman a ni ang. A ni hnihna hi Art & Culture Minister R Lalzirliana chuan khual lian niin a telpui ve thung dawn a ni. 

Kut hman chhung hian a hmunah ei leh in chi hrang hrang zawrhna food stall a awm dawn a, thil dang chi hrang hrang zawrhna stall a awm dawn bawk.

Mizoram leh state dang atanga zaithiam tak tak te leh hnam lam thiam tak tak te an inlan dawn a, chhim man hla tur tak a ni. 

Zoawi Kut hi Zonet leh LPS bakah AIR, Aizawl station atanga live-a pekchhuah tura ruahman a ni a.