Aizawl; Thla liamta, July thla chhung khan Mizoram hmun hrang hrangah thih dan pangngai lova thi (sarthi) 24 an awm a, thihna thlenna tam ber chu motor chetsualna niin, mi 9 in nunna an chan a ni. July thla chhunga thih dan pangngailo a thihna thleng hi kumin january - july inkar, thla khat chhung zela thihna thlen tam ber thla a ni a, chhiatna thleng hrang hrang vanga thi mi 24 zinga 5 te chu hmeichhia an ni a, an zinga kum 50 mi Hmunnghak khua chu an ramkalna a a fapa kum 20 mi nen tekin a denhlum an ni. Kum 28 mi pakhat chu DIET peng, Chaltlang-ah motor-in a suhlum a, Bawngkawnah kum 35 mi rawng taka thah a ni a; Kawnpui khuaah a pasalin a thah nia hriat kum 32 mi a awm bawk. Anni bakah hian kum 37 mi, Govt. J Thankima College-a Asst Proffessor, Ramhlun North ami chu Bekang eisual vang in a thi. Thih dan pang ngailo a thi mipa awmin an zinga 8 te chu lirthei chetsualna thleng vanga thi an ni a, midang 11 te chu tek denhlum, ruangchhar, current man, inawkhlum, tuitla/tuilian in a lak, In sak lai atanga tlahlum, khama tla te an ni hlawm. July thla chhunga thih dan pangngailo a thi mi 24 te zinga upa ber chu July ni 28 tlai dar 4 vela Hmawngva lui lianin a lak Chalmawia (70) a ni a, a naupang ber chu July ni 28 veka Tuirivang luia tlahlum Lalrosanga (12) s/o Lalpanliana, Phulpui khua a ni. Mi 24 te zinga 3 te chu hnamdang an ni a, July ni 14,tlai dar 5:30 vela Falkland Venga leiminin Lalramenga in, Assam type a hnâwl atanga bo, in luahtu Anwar Hussain-a nupui, Rusna Begam (30) leh July ni 25 zing dar 5:45 vela Karimganj, Assam leh Saiha inkara tlan maxi-cab, AS-10 4564, Sairang thlang, Buichali lei bula chesual, Tlawngluia tla mi 2 an ni.