DOWNLOAD OUR APP

Read latest news on your phone
app-store
Jump Rope vanga hriat hlawh Diktei
Jun 08, 2023

C. Lalruatdiki (Diktei) hi tunge i lo la hre lo mai thei, mahse jump rope ngainatute chuan an hre bel viau thung ang. Social media lamah a video ten en an hlawh a, follower pawh an pung zel. 

Diktei hi Serkawn, Lungleia piang a ni a, mahse tunah chuan Chaltlang, Aizawl-ah an khawsa tawh thung. An unau hi paruk an ni a, hmeichhia panga leh mipa pakhat an ni. Diktei hian St. Edmund's College, Shillong atanga B.SC (Biochemistry) a zawh hnuin MZU-ah a zir zawm a, M.SC a zo leh tawh a ni. 

Jupm Rope hmanga taksa sawi zawi nuam a ti hle a, a taksa fit taka awm reng a duh. Chumi tur chuan theih tawp a chhuah a, tunah chuan a thawhrimna avangin mi hriat a hlawh chho ta hial a ni. 

Diktei hian film industry lamah pawh tawn hriat a lo nei tawh a, Mizo Kristian film hmuhnawm tak mai 'Lalpa A Tha' film-ah khan a lo inlan tawh a ni. He film en tawhte chuan a talent neih that zia kan hre theuh awm e - a kal leh zena turah suhsakna kan hlan e. 

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh