Film chungchang sawi tawh chuan rilruah Mapuia Chongthu a lang nghal thin - a sulhnu enin thil mak a ni lo. Mizo film industry khaihchhuaktu ang hiala mi tam takin an ngaih hial film thar a tichhuak dawn a, 'Hremhmun Short Cut' tih a ni. 

He film-ah hian mi naran pasarih, tum naran lo tak nei, an tum vanram tlafual chen tuma kalte chanchin tarlanna a ni a, a hmuhnawm dawn tih a chiang. Heng mi naran pasarihte chungah hin eng nge thleng a, a hringzun zinkawng chu egtiangin nge a hmawr an bawk tih chu hriat chakawm tawh tak a ni. A changtu zingah hian - Gilbert Colney, Esther Hadasi Ralte leh Remremi Chongthu te pawh kan hmu dawn a ni. 

He film hi Leitlang Pictures produce niin, a thawnthu ziaktu hi Lalhlimpuia Pachuau a ni. Cinematographer tha Mapuia Chongthu leh Isaac Lalchhanpuia te kutchhuak niin, screenplay pawh hi Mapuia Chongthu kutchhuak bawk a ni. 

'Hremhmun Short Cut' hi June 1 hian Vanapa Hall-ah tlangzarh a ni dawn a, Lersia Play App-ah en theihin a awm bawk ang.