ZALEN Feb 19, 2026: Social Welfare Department hnuaia Old Age pension (Upa Lawmman) chu June 2025 thleng pek fel a ni tawh.

Assembly Budget session neih mekah, Social Welfare, Women & Child Development changtu minister Lalrinpuii'n memberte zawhna ziaka a chhan danin, June, 2025 thleng bak central sawrkarin pawisa a la release loh avangin pek tlak a ni thei rih lo a. State contribution tur erawh budget-ah dah fel sa vek a ni thung.

Old Age Pension hi kum 60-79 inkarin thla khatah Rs. 1200 (central Rs. 200 leh state Rs. 1000) an la a, kum 80 chung lamin thla khatah Rs. 1500 (central Rs. 500 leh state Rs. 1000) an la.

#ZalenNews