BTS member Jungkook chuan COVID-19 a kai tih hriat chhuah a ni a, Grammy award-ah a inlan thei dawn lo. Kum 24 mi Jungkook positive thu hi Big Hit Music agency chuan an puang a, US-a health authority te thupek angin a inenkawl nghal tih an tarlang. 

Grammy award chu April 3 hian Staples Center, Los Angeles-ah sem a ni dawn a, he hunah hian BTS hi an perform dawn -  mahse hripui a kai avangin Jungkook chu a inlan ve thei dawn ta lo a ni. BTS hi US-ah an lut tawh a, inbuatsaihna ngawrh takin an kalpui mek. 

BTS hian Las Vegas-ah April 8, 9, 15 leh 16 hian show an nei dawn a, he hunah hian Jungkook hi a inlan thei ang em a la chiang lo. Hetih lai hian an member dang Jin pawhin tun hnai khan zai a tawk a, ngaihtuahawm erawh a ni lo hlauh.