South Korean boy band lar BTS chuan chanchin hriat nuam lo tak an nei a, an member Jungkook chuan thaha vauna a dawng tlat mai. Jungkook hi an band member zinga naupang ber a ni a, an main vocalist a ni bawk. 

Kum 25 mi Jungkook hi a fan tu tih hriat loh ten ei tur an thawn a, mahse hei hi a ei duh lo a, ei tur thawn tawh lo turin fan te a ngen zui bawk. Hei hi mi thenkhat chuan an ngaithiam lo hle a, thaha vauna hial a dawng zui ta a ni. 

Thaha vauna a dawn hi a fan page 'JK Daily' chuan screenshot-in an tarlang a, Jungkook hi venhimna tha zawk pek nghal a nih thu tarlan a ni bawk. BTS fans 'ARMY' te chuan Twitter-ah Jungkook thlavang hauhna an tarlang ve nghal a, Bighit Music chu vauna thawntu social media account chhuichhuak a, hma la nghal turin an ngen bawk. 

Nikum khan BTS member tho Jimin leh Kim Taehyung (V) te chuan thaha vauna hi an lo dawng ve tawh bawk a, ngawih bopui mai mai chi a ni lo. Chutih rual chuan milar dangte pawhin an tawn fo thin a ni a, an laka lungawi lo mi thenkhat chetna a ni duh hle - ngaihthah chi erawh a ni chuang lo.