DOWNLOAD OUR APP

Read latest news on your phone
app-store

Justin Bieber-a'n Qatar World Cup-ah tui thianghlim chhawp chhuak

Dec 06, 2022

FIFA World Cup khelh mekna Qatar-ah Justin Bieber leh a nupui  Hailey Road Bieber te pawh an zin a, inkhel en tur satliah erawh an ni hauh lo. Canadian singer Justin Bieber hian Micah Cravalho thawhpuiin Qatar-ah hian tui thianghlim in tur hmun 150-ah an chhawp sak a ni. 

FIFA World Cup khelh mekna Qatar-ah Justin Bieber leh a nupui  Hailey Road Bieber te pawh an zin a, inkhel en tur satliah erawh an ni hauh lo. Canadian singer Justin Bieber hian Micah Cravalho thawhpuiin Qatar-ah hian tui thianghlim in tur hmun 150-ah an chhawp sak a ni. 

Micah Cravalho hi water technology company Generosity dintu niin, Bieber nen hian thawk dunin Qatar-a hmun 150 laiah water fountain an bun a ni. Hetia an chet chhan hi mihring tam takin Qatar an pan avangin tui thianghlim an tlak chham loh nan leh hnianghnar taka an hmuh theih nan a ni. Generosity brand hian mipui hnena tui thianghlim pek ringawt hi an tum ber a ni lo a, hman khat plastic tih tlem hi a thupui ber pakhat a ni.

Hemi chungchang hi Bieber chuan sawiin, "Khawvel hian tuithiang hlim hnianghnar se ka duh a, ram hrang hrangte pawhin an mi ten tuithianghlim an tlakchham loh nan hma la se ka duh a ni. Plastic hman nasat lutuk hi a pawi tak zet a, a thlakna tur kan ngaihtuah a ngai a ni," tiin a sawi. 
  
Bieber leh Cravalho te hian tun hnai khan Qatar hi an tlawh a, Sheikha Al Mayassa bint Hamad bin Khalifa Al Thani pawh an hmalakna chungchang hi an sawipui a ni. 

Share now