South Korean boy band 'ASTRO' a an member Moonbin chu a chenna inah thia chhar a ni. Kum 25 mi thih dan hian khawvel a barakhaih hle a, K-pop fan te pawh an lungngai hle - mahni intihlum nia tarlan a ni. 

Moonbin hi April 19, Nilaini khan thia chhar a ni a, a manager chuan police a be pawp nghal. A ruang hi endik a nih hnuah mahni intihlum a nih a rinawm thu police te chuan an puang. Gangnam police te chuan a thih danah hian pawi khawihna hnuhma hmuh tur a awm lo tih an tarlang a ni. 

Mahse a thih chhan dik tak hre tur hian autopsy report an ngaichang nia tarlan a awm bawk. Moonbin hi Gangnam district, Seoul-ah a khawsa a ni. 

ASTRO member te chuan an bandmate Moonbin chunga thil tleng chu pawi an tih thu leh a thih dan chuan a thawn tak zet thu an tarlang. A kalsan tak a chhungte an tawrhpui thu an sawi bawk. A music label Fantagio pawhin Moonbin chunga thil thleng chu pawi an tih thu leh an ui tak zet thu an tarlang ve nghal. 

Social media lamah pawh Moonbin uitu an tam hle a, Twitter lamah chuan hashtag #moonbin chu a trending nghal a, tweet maktaduai 2.6 a awm der tawh. Amah uitu zingah hian - English, Spanish, Indonesian, Tagalog leh Thai mi an tam ber a, Chile-ah pawh a fan ten a sunna hun an hmang a, mi thahnem tak an pungkhawm a hial a ni.