Tun hnaiah film shooting ngaihven hlawh zet mai a awm a, a changtute vanga ngaihven hlawh niin a lang. He film hi 'Ka Nihna Ni Lo' tih a ni a, Henry Varte leh Nunu Rualhlengte inlanna ngei mai kha a ni. A changtu nu leh changtu pa ber tur erawh an ni lo tih hriat a tha awm e. 

'Ka Nihna Ni Lo' tih hi Czi leh zaithiam Zoramchhani te buaipui a ni a, shooting an zo tawh. An Director of Photography (DOP) hi Mawitea (RDS Shot) leh Didini Tochhawng te an ni a, an kutchhuak hmuh a chakawm tawh hle. Script hi Mizo ten rapper kan neih that berte zinga mi G'nie kutchhuak a ni a, eng lam hawi nge tih hriat a chakawm tawh hle. 

A changtute zingah hriat hlawh leh lar tak tak an kat nuk a, boruak pawh an rawn nei lian nghal hle. Miss Mizoram atanga mipuiten kan hmelhriat Baby Zomuanpuii chu a changtu nu ber tur a ni dawn a, Nunu Rualhleng leh Henry Varte ten eng role chiah nge an play tih hriat a la ni lo. Anni bakah hian zaithiam leh thil danga hriat hlawh tak takte an inlan nual a, en chakawm tawh tak a ni. 

'Ka Nihna Ni Lo' hi tlangzarh hun tur tihchian a la ni lo a, Lersia Play-ah en theihin a awm dawn a ni.