Mizo Idol atanga Zoram mipuiin kan hriatlar Thawhlehnaniropuia (Puipuia) chu Mizo film-ah a inlan ve tlat mai le! Puipuia hi 'Ka u Liana' film-ah a changtu zingah a tel a, role pawimawh tak a play dawn. 

He film hi shooting neih mek a ni a, tlangzarh hun a hla vak tawh lo mai thei. He film-ah hian Puipuia bakah hian Ruthi Chenkual leh Latei te pawh an inlan a, en chakawm tawh tak a ni. 

Film siam lama sulhnu lo nei nual tawh Mike-a kutchhuak a ni dawn a, Runmawi App te chu co-producer an ni. A story hi Aaron Malsawmdawngzuala ziah niin, DOP hi Ruattea Photography a ni bawk. Original Soundtrack hi Zaii Hauchhum a ni cheu bawk.