ZALEN November 20, 2023 : Vawiin khan Mizo Hnam Runah chhung inkhawm neih a ni a, he hunah hian Dr R Lalthangliana, Adviser chuan thu a sawi a. "MNF chu Pathian leh kan ram tan, titu kan nih angin kan dah hmasak ber tur chu Pathian a ni," a ti. "Pathian hre chunga hmangaihna, lainatna leh duhsakna nen kan kal a nih chuan Lalpa'n sorkarna min pe leh em em ang," a ti bawk.

Dr Thangtea chuan Pathian hruainaa harsatna lian tham awm lova inthlan zawh a ni ta chu lawmawm a tih thu a sawi a, MNF MLA te fakin, "Politics-a kum 30 bawr ka lo awm ve tawh a, tun tum MLA te anga mahni bial vil tha leh ngaihsak an la awm lo hialin ka hria a. MLA chhuanawm tak tak MNF-in kan nei a, an bial an vil hmeh em em vek mai hi a lawmawm ka ti tak zet a ni. Bial vil tha leh enkawl tha MLA an nih angin an bial theuh mipuite pawhin kan MLA te duhsakna an hlan leh ngei ka ring a ni," a ti.