ZALEN September 21, 2024 : Nimin khan Champhai North & South Joint MNF Block buatsaihin I&PR Hall, CHANEM Building-ah Martar Ni hman a ni a. He inkhawm hi MNF South Block President V Lalsanglura Zote-in a kaihruai a, MNF Vice President Lalchhandama Ralte, Leader of Opposition, ni bawk chuan khuallian niin a hmanpui.

Lalchhandama ralte chuan, "Mizo hnam tana an hlan theih hlu ber an nunna hlantu  Martar-te hlutzia hi he hnam hian hre thar ang u. Zoram tana thisen far tawp thlenga hlantute zah leh chawimawi hi Mizo hnamin kan bat a ni," a ti a. "Martar-te hmabak chhunzawm turin kan martar-te'n min ko a, i chhang ang u," a ti bawk.

Martar-te zahna leh sunna hun hman niin ngawi rengin minute khat dinna hun hman a ni a. He inkhawm hi C Huaisavunga, President North Block I-in lawmthu sawiin a ṭin a ni.

Lalchhandama Ralte leh MNF hruaitute hian Martar-te hriatrengna lungphunah pangpar an dah bawk a ni.